Fjognedok er ein bibliografisk database over lokalhistoriske artiklar frå Sogn og Fjordane. Hovudsakleg er det lokalhistoriske tidsskrift, som t.d. sogeblad og årbøker, som vert systematisk gått gjennom og registrerte med m.a. forfattar, tittel og emne på artikkelnivå i basen. Men det vert også registrert artiklar frå andre bøker og tidsskrift i den grad vi kjem over dei.

Det siste tidsskriftet som er i ferd med å bli analysert er Kjelda , utgitt av Fylkesarkivet i Sogn og Fjordane. Dette tidsskriftet har Fylkesarkivet lagt i fulltekst på nettet og registreringane i Fjognedok viser direkte til sjølve artiklane i pdf-fil på nettet om ein trykkjer på tittel og vidare på lenkja som er oppført under nettressurser.