Fylkesbiblioteket har som eit delmåla å Medverke til å sikre at alle innbyggjarane i fylket har tilgang til gode bibliotektenester.

Mobil bibliotekteneste er eit viktig kulturpolitisk tiltak for å nå ut til folk i fylket med eit kvalitetssikra litteraturtilbod. Fylkesbiblioteket i Sogn og Fjordane er det einaste i landet som har både bokbuss og bokbåt. Dette kjem sjølvsagt av fylket sitt spesielle bustadmønster og vanskelege kommunikasjon. Mobil bibliotekteneste er såleis eit kjerneområde i verksemda.

Kommunane betalar timepris for besøk av bokbuss/bokbåt. Ta kontakt med fylkesbiblioteket dersom de ynskjer besøk av bokbussen eller bokbåten.